طريقة عمل كرات البطاطس بالجبنة - منتديات بنوتة كول - منتدى نسائى للمرأة العربية

طريقة عمل كرات البطاطس بالجبنة - منتديات بنوتة كول - منتدى نسائى للمرأة العربية


طريقة كرات البطاطس بالجبنة
المقادير:
3 ثمرة بطاطس متوسّطة مسلوقة
2 ملعقة كبيرة بقدونس مفروم
¼ كوب جبن رومي مبشورة
¼ كوب جبن موتزاريلا
4 مكعبات جبن كيري
ملعقة كبيرة زعتر
½ كوب بقسماط
¼ كوب دقيق
زيت للقلي
بيضة
ملح وفلفل

الطريقة:
1- بعد ما تسلقي البطاطس على طول برّديها بالمية، وبعدها ابشري واحدة منهم، واهرسي الاتنين التانيين لحد ما يبقوا ناعمين جدا من غير أي كتل، وضيفي البطاطس المبشورة على اللي هرستيها، وضيفي عليهم البقدونس والزعتر والملح والفلفل، وإذا حسيتي إن العجينة طريّة زيادة عن اللزوم ومش متماسكة ممكن تزوّدي عليها ملعقة بقسماط كبيرة.
2- في طبق متوسّط اخلطي الجبن الرومي المبشورة مع الموتزاريلا والكيري، لحد ما يبقى مزيج ناعم ومتجانس.


3- خدي من عجينة البطاطس شوية في إيدك واحشيهم بالجبنة، وغلّفيهم بعجينة البطاطس كويس، لحد ما تبقى كورة محكمة ومقفولة ومغطية كل الجبنة.


4- حطّي الكور في الدقيق الأول وبعدها في البيض، وبعد كده في البقسماط، وحطّيها في طبق وغطّيها كويس، وحطّيها في الفريزر لمدة ساعتين لحد ما تتجمّد، وبعدها طلّعيها واقليها في زيت غزير وسخن لحد ما لونها يبقى دهبي، وقدّميها.. وبالهنا والشفا.

وبكده تكون خلصت وصفتنا النهارده..
استنونا بكره مع وصفة جديدة..
سلام،،،

 

بالصور خواتم زواج مميزة .. من Ross-Simons 2013 - منتديات بنوتة كول - منتدى نسائى للمرأة العربية

بالصور شينيون عروس 2013 .. عنوان البساطة والأناقة - منتديات بنوتة كول - منتدى نسائى للمرأة العربية

بالصور والخطوات مكياج الآى لاينر المزدوج - منتديات بنوتة كول - منتدى نسائى للمرأة العربية

بالصور والخطوات مكياج الآى لاينر المزدوج - منتديات بنوتة كول - منتدى نسائى للمرأة العربية



بالصور والخطوات مكياج الآى لاينر

هل سئمتي الطرق المعتادة لرسم عينيكِ؟ إذن عليكِ تجربة مكياج الآى لاينر المزدوج .. حيث ستشعرين بالفارق الكبير عما إعتدتي عليه من إطلالات .. وفي موضوع اليوم سنشرح لكِ الخطوات التي يمكنك عبرها تنفيذ هذه الفكرة المميزة .. علما بأن مكياج الآى لاينر المزدوج هو الأبرز في عالم المكياج هذا الموسم



الخطوات 1،2،3،4

قومي بعمل قوس اعلى الجفن المتحرك بقلم الكحل ووزعيه بالإسفنجة وقومي بتحديد العين من اعلى بالكحل ومدديه بالفرشاة


بالصور والخطوات مكياج الآى لاينر




الخطوات 5،6،7،8

اصنعي التحديد بالآى لاينر على تحديد الكحل السابق ومدديه للخارج لأعلى ليلامس القوس العلوي ثم اصنعي تحديد بالآى لاينر أسفل العين ومدديه في نفس إتجاه التحديد العلوي بحيث يكون بينهم مساحة فارغة .. إملئيها بالقلم الأبيض وضعي منه في خط الماء أسفل العين




بالصور والخطوات مكياج الآى لاينر



الخطوات 9،10،11

مددي الخط الأبيض بين الآى لاينر بالفرشاة ليتناغم معهما ثم اضيفي لمسات الماسكرا على رموشك ولمزيد من الكثافة يمكنك استخدام الرموش الصناعية (اختيارية)




بالصور والخطوات مكياج الآى لاينر



الطلة النهائية

وهكذا حصلتي على طلة الآى لاينر المزدوج المميزة وغيرتي من طلتك المعتادة





بالصور والخطوات مكياج الآى لاينر


طريقة عمل بودينج السحلب 2013 - منتديات بنوتة كول - منتدى نسائى للمرأة العربية

طريقة عمل بودينج السحلب 2013 - منتديات بنوتة كول - منتدى نسائى للمرأة العربية

طريقة بودينج السحلب 2013
المقادير:
2 كوب لبن
4 صفار بيض
3 ملعقة كبيرة سكر
ملعقة صغيرة قرفة
2 ملعقة كبيرة سحلب
½ ملعقة صغيرة فانيليا
2 ملعقة كبيرة جوز هند
مكسرات مجروشة للتزيين (حسب الرغبة)

الطريقة:
1- سخني اللبن في حلة صغيرة لمدة 5 دقايق، وفي طبق غويط اضربي البيض مع السكر بالمضرب الكهربائي، لحد ما قوامه يبقى متجانس، وبعدها ضيفي السحلب والفانيليا، اضربي دقيقة كمان لحد كل المكونات ما تختلط ببعضها كويس.

2- ضيفي نص كوباية من اللبن السخن على المزيج، واضربيهم بالمضرب لمدة دقيقة، لحد ما كل المزيج يكون متجانس ومختلط كويس، وبعد كده ارجعي حطي كل المزيج ده على باقي اللبن السخن في الحلة.

3- سيبيه على النار 5 دقايق، لكن أهم حاجة إنك تقلبيه طول الوقت عشان يفضل المزيج ناعم ومتجانس، ولما يغلي اطفي عليه، وصبيه في كاسات التقديم، ولما يبرد شوية حطيه في التلاجة، وقبل التقديم زينيه بالمكسرات وجوز الهند والقرفة وقدميه.. وبالهنا والشفا.

وبكده تكون خلصت وصفتنا النهارده..
استنونا بكره مع وصفة جديدة..
سلام..

احدث نقشات حناء 2013 - منتديات بنوتة كول - منتدى نسائى للمرأة العربية

كمادات طبيعية لجمال وتبيض منطقة العين - منتديات بنوتة كول - منتدى نسائى للمرأة العربية

كمادات طبيعية لجمال وتبيض منطقة العين - منتديات بنوتة كول - منتدى نسائى للمرأة العربية



كمادات طبيعية لجمال وتبيض منطقة


كمادات الخيار… لتبييض جلد العينين :
من مشاكل العيون ـ الجمالية ـ الشائعة خاصة بين الفتيات الشكوى من وجود اسوداد بالجلد أسفل العينين أو ما يسمى بالهالات الغامقة.. وعلاج هذه المشكلة سهل ميسور.. ويكون بالمداومة على عمل كمادات من شرائح الخيار الطازج للعينين.. وذلك بتغميض العينين ، ووضع شريحة الخيار فوق كل عين بحيث تلامس الجلد المحيط بالعين.. مع الاسترخاء لمدة 15 دقيقة. ومن المناسب جداً أن يجرى عمل هذه الكمادات أثناء الاسترخاء في ماء الحمام أثناء عمل حمامات التجميل التي سبق توضيحها.


كما يمكن علاج هذه المشكلة بوسائل اخرى ، مثل :
ـ كمادات من عصير الخيار المضاف إليه بضع نقاط من عصير الليمون.
ـ كمادات شرائح البطاطس ( كبديل لشرائح الخيار ).
ـ كمادات عصير النعناع.
ـ دهان الهالات الغامقة بخليط مكون من ملعقة صغيرة من زيت اللوز و4|1 ملعقة صغيرة من عصير النعناع.
ـ كمادات شاي دافىء لمدة 10 دقائق تليها كمادات شاي باردة لمدة 5 دقائق.


كما يجب لعلاج هذه الهالات تجنب الإجهاد النفسي أو الجسماني وأخذ قسط كاف من النوم والاهتمام بتناول غذاء صحي متوازن في عناصره الغذائية وغني بمعدن الحديد على وجه الخصوص.. إذ أن اضطراب هذه الاُمور هو الذي يؤدي لظهور الهالات السوداء في أغلب الحالات.

طريقة عمل صينية قرع العسل بالبشاميل - منتديات بنوتة كول - منتدى نسائى للمرأة العربية

طريقة عمل صينية قرع العسل بالبشاميل - منتديات بنوتة كول - منتدى نسائى للمرأة العربية


طريقة صينية العسل بالبشاميل

المقادير:
ثمر قرع
2 كوب ماء
2 كوب سكر
ملعقة صغيرة قرفة
2 ملعقة كبيرة زبيب
كوب مكسرات مفرومة (فول سوداني/ بندق/ فستق/ لوز.. حسب المتوفر)

مقادير البشاميل:
2 كوب لبن
2 ملعقة كبيرة سمن
3 ملعقة كبيرة دقيق
كوب ماء سلق القرع
½ ملعقة صغيرة فانيليا

الطريقة:
1- قشري القرع وقطّعيه مكعبات، وبعدها حطيه في حلة كبيرة مع السكر والميّة، وسيبيهم على نار متوسطة، لحد ما القرع يستوي.
2- لما يبرد صفيه كويس، واحتفظي بالمية بتاعته، واهرسيه بالشوكة في طبق كبير، وضيفي عليه الزبيب والمكسرات والقرفة، وقلبيهم معاه بملعقة خشب كبيرة.


3- علشان تعملي البشاميل حمّري الدقيق في السمنة لحد لونه ما يبقى دهبي، وبعدها ضيفي عليه اللبن ومية سلق القرع بالتدريج، مع التقليب المستمر، لحد ما قوامه يبقى أتخن، ومتجانس من غير أي كلكعة، وضيفي عليه الفانيليا، واطفي النار.


4- حطي القرع في صينية متوسطة، وافرديه فيها كويس، وبعدها غطيه بالبشاميل، ودخليه الفرن على درجة حرارة 190 لمدة نص ساعة لحد وشه ما يحمرّ، ولما يبرد شوية قدميه.. وبالهنا والشفا.

وبكده تكون خلصت وصفتنا النهارده..
جربوها وقولوا لنا على رأيكم فيها..
واستنونا بكره مع وصفة جديدة..
سلام..




 

طريقة عمل باذنجان بانيه - منتديات بنوتة كول - منتدى نسائى للمرأة العربية

طريقة عمل باذنجان بانيه - منتديات بنوتة كول - منتدى نسائى للمرأة العربية


طريقة باذنجان بانيه

المقادير:
3 ثمرة باذنجان رومي
2 ثمرة بصل مفرومة
ملعقة صغيرة بهارات
2 فص ثوم مفروم
½ كوب بقسماط
½ ثمرة ليمون
½ كوب دقيق
زيت للقلي
ملح وفلفل
2 بيضة


الطريقة:

1- قشري الباذنجان وقطعيه حلقات، وبعدها حطيه في طبق مع البصل والتوم والبهارات والليمون والملح والفلفل، وسيبيه في التتبيلة دي لمدة ساعة على الأقل.

2- حطي البيض على الباذنجان المتبل، واخلطي الدقيق مع البقسماط في طبق منفصل، وسخني الزيت للقلي، وحطي قطع الباذنجان في البقسماط والدقيق، وبعدها حطيها في الزيت السخن، لحد لونها ما يبقى دهبي، وطلعيها على ورق مطبخ علشان يمتص الزيت، وقدّميها مع بطاطس محمرة وسلطة خضراء.. وبالهنا والشفا.

وبكده تكون خلصت وصفتنا النهارده..
جربوها وقولي لنا على رأيك فيها..
واستنونا بكره مع وصفة جديدة..
سلام...




 

طريقة عمل كفتة اسكتلندى - منتديات بنوتة كول - منتدى نسائى للمرأة العربية

طريقة عمل كفتة اسكتلندى - منتديات بنوتة كول - منتدى نسائى للمرأة العربية



طريقة كفتة اسكتلندى
المقادير:
½ كيلو لحم مفروم
½ كوب بقدونس مفروم
ملعقة صغيرة بهارات
2 ثمرة بصل متوسطة
2 فص ثوم مفروم
½ كوب بقسماط
½ كوب دقيق
6 بيضات
زيت للقلي
ملح وفلفل
ليمونة

الطريقة:
1- اضربي اللحمة المفرومة مع البصل والثوم والبقدونس والبهارات والملح والفلفل والليمون في الكبة، لحد ما يبقى الخليط متجانس ومختلط كويس.
2- اسلقي 5 بيضات وقشّريهم، وبعدها خدي كل بيضة وحاوطيها بعجينة الكفتة، لحد ما تبقى مغلفاها كلها، واعملي كده مع كل بيضة.


3- اخلطي البقسماط مع الدقيق في طبق، وحطي بيضة في طبق صغير، وخدي كل واحدة من الكفتة حطيها في البيض، وبعدين في طبق البقسماط بالدقيق، وبعدين حطيها في زيت سخن، لحد لونها ما يبقى دهبي وطلّعيها، ولما تبرد اقسمي كل كورة كفتة نصين، وقدميها مع بطاطس محمرة.. وبالهنا والشفا.

وبكده تكون خلصت وصفتنا النهارده..
جربوها وقولوا لنا على رأيكم فيها..
واستنونا بكره مع وصفة جديدة..
سلام...



 

طريقة عمل طاجن الأرز المعمر بالحمام - منتديات بنوتة كول - منتدى نسائى للمرأة العربية

طريقة عمل طاجن الأرز المعمر بالحمام - منتديات بنوتة كول - منتدى نسائى للمرأة العربية



طريقة طاجن الأرز المعمر بالحمام
المقادير:
4 حمام
2 كوب لبن
3 كوب أرز
2 كوب شوربة
3 ملعقة كبيرة قشدة
2 ملعقة كبيرة سمن
1 ثمرة بصل مفرومة
ملعقة صغيرة بهارات
ملح وفلفل

الطريقة:
1- اغسلي الحمام، واقسمي كل حمامة نصين، وبعدها حطيه في طاسة كبيرة وحمريه في السمن لحد لونها ما يبقى دهبي.
2-لما تطلعي الحمام، حطي مكانه البصل وشوحيه في السمن بحد ما يدبل ولونه يغمق، وبعد كده حطي الحمام تاني وقلبيهم سوا، وضيفي عليهم البهارات وملح وفلفل.


3- اغلسي الرز وانقعيه في المية لمدة ربع ساعة، وبعد كده صفيه كويس، وحطي عليه بهارات وملح وفلفل، وبعدها حطي عليه القشدة وقلبيها بملعقة كبيرة.


4- حطي طبقة من الأرز في الطاجن، وبعدها طبقة حمام، وغطيهم بطبقة تانية من الأرز،واسقيهم بالشوربة واللبن لحد ما تغطيهم خالص، إذا كان الطاجن اللي عندك صغير ممكن تحتاجي تعملي الكمية دي على طاجنين، وفي الحالة دي هتقسمي كمية الأرز وكمية الحمام بالنص على الأتنين، وبعد ما ترصي طاجن واحد او الأتنين دخليهم الفرن على درجة حرارة 190 لمدة نص ساعة، ولما يستوي ووشه يحمر قدميه ومعاه سلطة خضراء.. وبالهنا والشفا.

وبكده تكون خلصت وصفتنا النهارده..
استنونا بكره في وضفة جديدة...
سلام...



 

طريقة عمل كاسات تشيز كيك - منتديات بنوتة كول - منتدى نسائى للمرأة العربية

طريقة عمل كاسات تشيز كيك - منتديات بنوتة كول - منتدى نسائى للمرأة العربية


طريقة كاسات تشيز

كاسات تشيز كيك
المقادير:
8 قطع جبن كيري
2 ملعقة كبيرة لبن
2 ملعقة كبيرة زبد
3 ملعقة كبيرة سكر
باكت بسكويت سادة
كوب كريمة مخفوقة

الطريقة:
1- كسّري البسكويت لحد ما يبقى فتافيت، وسيّحي الزبدة وضيفيها على البسكويت في طبق غويط وقلّبيها معاه وضيفي عليهم اللبن، وقلّبي الخليط.
2- في طبق غويط اضربي الجبن مع الكريمة والسكر لحد ما يبقى المزيج متجانس جدا وناعم.


3- وزّعي البسكويت على الكاسات، وحطّي فوقه طبقة الخليط اللي عملناه، وسيبيهم في التلاجة يوم كامل على الأقل، وممكن تزينيها بصوص الفراولة أو أي فاكهة متوفرة عندك، وبعدها قدّميهم لأطفالك وأسرتك، وبالهنا والشفا...

وبكده تكون خلصت وصفتنا النهارده..
استنونا بكره مع وصفة جديدة..
سلام،،،



 

طريقة عمل الدجاج بالخضار على الطريقة الصينية - منتديات بنوتة كول - منتدى نسائى للمرأة العربية

طريقة عمل الدجاج بالخضار على الطريقة الصينية - منتديات بنوتة كول - منتدى نسائى للمرأة العربية



طريقة الدجاج بالخضار الطريقة الصينية
المقادير:
½ كيلو صدور دجاج مخليّة
3 ثمر فلفل رومي (أخضر أو ألوان)
2 ملعقة كبيرة صوص الصويا
½ ملعقة صغيرة قرفة
ملعقة صغيرة بهارات
1 ثمرة بصل مفروم
ملعقة كبيرة زيت
ملعقة كبيرة نشا
1 ثمرة طماطم
3 ثمرة جزر
¼ كوب ماء
ملح وفلفل

الطريقة:
1- قطّعي الفراخ مكعّبات صغيرة، وحطّيها في طاسة كبيرة مع البصل والزيت، وشوّحيهم لحد لونهم ما يبقى دهبي.
2- ضيفي الجزر والفلفل وقلّبيهم مع الفراخ، وبعد كده ضيفي عليهم الطماطم، وقلّبيهم لمدة دقيقتين، وبعدين ضيفي صوص الصويا، والبهارات والملح والفلفل والبهارات والقرفة.


3- دوبي النشا في ربع كوباية ميه وضيفيه على الخليط وقلّبيهم دقيقتين، وغطّي الطاسة، وسيبيها على نار هادية لحد الصوص ما يبقى سميك شوية واطفيها، وقدّميها مع أرز أبيض، وبالهنا والشفا..

وبكده تكون خلصت وصفتنا النهارده..
استنونا بكره مع وصفة جديدة..
سلام،،،


 

طريقة عمل شوربة الكريمة بالدجاج والفاصوليا الحمراء - منتديات بنوتة كول - منتدى نسائى للمرأة العربية

طريقة عمل شوربة الكريمة بالدجاج والفاصوليا الحمراء - منتديات بنوتة كول - منتدى نسائى للمرأة العربية



طريقة شوربة الكريمة بالدجاج والفاصوليا

شوربة الكريمة بالدجاج والفاصوليا الحمراء

المقادير:

كوب فاصوليا حمراء (متوفّرة علب جاهزة في السوبر ماركت)
2 ملعقة كبيرة زيت زيتون
2 شريحة صدور دجاج
1 ثمرة بصل مفرومة
2 فص ثوم مفروم
كوب كريمة طبخ
2 كوب شوربة
2 كوب ماء
ملح وفلفل

الطريقة:

1- حطّي زيت الزيتون في حلة متوسّطة، وشوّحي فيه البصل والتوم لحد لونهم ما يدبل، بعدها ضيفي المية والشوربة لحد ما يسخنوا، وضيفي عليهم الكريمة.

2- اسلقي شرايح الفراخ لمدة خمس دقايق، وبعدها طلّعيها وقطّعيها مكعبات صغيرة، وضيفيها على الشوربة وضيفي معاها الفاصوليا، وسيبيهم لحد ما يغلوا، وبعدها ضيفي الملح والفلفل، واطفي عليها وقدّميها.. وبالهنا والشفا.

وبكده تكون خلصت وصفتنا النهارده..
استنونا بكره مع وصفة جديدة..
سلام،،،


 

طريقة عمل السبانخ بالبيض - منتديات بنوتة كول - منتدى نسائى للمرأة العربية

طريقة عمل السبانخ بالبيض - منتديات بنوتة كول - منتدى نسائى للمرأة العربية



طريقة السبانخ بالبيض

السبانخ بالبيض
المقادير:
5 بيضات
½ كيلو سبانخ
½ كوب لبن
2 ملعقة كبيرة سمنة
ثمرة بصل مفرومة
كوب عصير طماطم
4 ملعقة بقدونس مفروم
½ كوب لحمة مفرومة معصّجة
ملعقة كبيرة جبنة رومي مبشورة
ملح وفلفل

الطريقة:
1- اغسلي السبانخ، واسلقيها مع ملح لمدة 5 دقايق، واشطفيها بمية باردة، وبعد كده افرميها في المفرمة.

2- حطي ملعقة سمنة في طاسة، وشوّحي فيها البصل، لحد ما لونه يبقى دهبي، وبعدها ضيفي السبانخ، وشوّحيها دقيقتين، وضيفي اللحمة المفرومة، والبقدونس، وعصير الطماطم، وقلبيهم على النار، وسيبيهم لمدة ربع ساعة على نار متوسطة.

3- حطّي ملعقة السمنة التانية في صينية فرن وادهنيها بيها كويس، وفي طبق غويط اخلطي البيض مع السبانخ المتسبّكة واللبن والجبن الرومي، وضيفي الملح والفلفل، وصبي المزيج في الصينية، ودخليها الفرن على درجة حرارة 190 لمدة تلت ساعة، لحد ما يستوي البيض.. وقدميه مع عيش طازة وسلطة زبادي.. وبالهنا والشفا.

وبكده تكون خلصت وصفتنا النهارده..
استنونا بكره مع وصفة جديدة..
سلام..

 

مكياج ناعم 2013 - منتديات بنوتة كول - منتدى نسائى للمرأة العربية

احدث تشكيلة مجوهرات من دولتشي اند غابانا 2013 - منتديات بنوتة كول - منتدى نسائى للمرأة العربية